Asitióse,
como siempre, cerca la roca onde los páxaros ensugaben les plumes
tranquilamente, cargó la escopeta, disparó y unu de los páxaros cayó. Nesi
intre notó que la caña tiraba y pensó que pescara dalgo bien gordo. Entamó a
recoyer sedal, pero la caña sotripaba con tanta fuerza que-y costaba caltenese
de pie nel chalanu, hasta que pudo ver lo que l’anzuelu enganchara. A traviés
del agua vio la so propia cara pálida y la ropa estrozada, como si llevara
tiempu dando tumbios nel mar.
El pescador y
el cuervu marín. Cuentos maraviyosos de mieu y misteriu, Carme Martínez Pérez
Un
poco más alantre sintió que se movía dalgo pente los felechos; primero, aun
llau del camín, llueu, al otru. El pollín empezó a tirar coces al altu y a
xiringar los bultos que llevaba nes parigüeles, aventándolos y espardiendo pel
suelu tola mercancía. Dos llobos taben plantaos en mediu’l camín; los güeyos
mariellos de los animales rellumaben na escuridá de la nueche y al home
punxéronse-y los pelos de punta.
El
xastre y los llobos. Cuentos maraviyosos de mieu y misteriu, Carme Martínez
Pérez
Colos
pelos al vientu y los güeyos esorbitaos, el Farrucu facía lo que podía por
dominar aquella máquina que paecía, o polo menos asina-y lo paecía a él, que
taba endemoniada y quería vengase de lo que-y ficiera al dueñu llexítimu.
No hay comentarios:
Publicar un comentario