miércoles, 6 de febrero de 2013

Cuentos pa una nueche de lluna


Al llegar arriba, el paisanín metióse na paré que paecía fecha de lluz, travesándola como quien pasa per una puerta. De sutrucu, ún de los altos de la capa blanca viróse y quedó paráu mirando p’hacia onde el guah.e taba escondíu, y pudo ve-y la cara, que yera toa negra y con unos güeyos blancos que paecíen tener lluz.
 Cuentos pa una nueche de lluna, Carme Martínez Pérez

Aquella nueche guisaron y comieron d’aquella carne y echáronse a dormir, pero a la media nueche llamaron a la puerta con grandes güelpes y sonó una voz que dicía:
-¡Abríi la puerta, que vengo de la sepultura porque me robatis la asadura!
-¡Ai mama, quién será!
-¡Calla fía, que yá marchará!
-¡Nun marcho, non, que na entrada la casa toi yá!
-¡Ai mama, quién será!
-¡Calla fía, que yá marchará!
-¡Nun marcho, non, que peles escaleres toi subiendo yá!
-¡Ai mama, quién será!
-¡Calla fía, que yá marchará!
-¡Nun marcho, non, qu’a la to puerta toi yá!

Cuentos pa una nueche de lluna, Carme Martínez Pérez


No hay comentarios:

Publicar un comentario